La réformation de 1668

Les Kerhoent à la réformation de 1668

QVERHOENT (DE)

SEIGNEVRS DE COETANFAO, DE MORIZVR, DE KERANDRAON, DE MESCOVIN, DV MESCOVEZ, DE KERGOVRNADECH, DE TROHEON, DE COETQVELFEN, ETC...

 



Efcartellé, au premier et dernier echiquetté d'or et de gueulle, au fecond et troifiefme d'azur à la fleur de lys d'or,

 

Extraict des regiftres de la Chambre eftablie par le Roy pour la refformation de la Nobleffe du pais et duché de Bretagne, par lettres patentes de Sa Maiefté, du mois de Ianuier 1668, veriffiees en Parlement.


Entre le Procureur General du Roy, demandeur, d'vne part.


Et meffire Sebaftien de Querhoent, cheuallier, fieur de Coetanfao, cheff de nom et d'armes de Querhoent et de Quergournadech, faifant tant pour luy que meffires François-Touffainfts et Rolland de Querhoent et Annonime de Querhoent, Touffainfts de Querhoent, fieur de Morizeur et de Crechqueraut, René de Querhoent, fieur de Querandraon, treforier et chanoine de Léon, et Iofeph de Querhoent, fieur de Mefcouin, officier fur les veffeaux de Sa Maiefté, frères iuueigneurs dudift fieur de Coetanfao, deffandeurs, d'aultre part (M. le Jacobin, rapporteur. ).

 

Veu par la Chambre :


L'extraict de prefantation faicte par ledict meffire Sebaftien de Querhoent, cheuallier, fieur de Coetenfao, au Greffe d'icelle, le 22e Feburier 1669, contenant fa déclaration, tant pour luy que pour lefdifts meffires François-Touffainfts, Rolland et Anonime de Querhoent, fes enfans, que pour lefdiftz meffires Touffainfts, René, Iofeph de Querhoent, fes frères iuueigneurs, d'eftre iffus d'antienne cheuallerie et extraftion noble et fouftenir lefdictes quallittes de meffires et efcuier et cheuallier, et qu'ils portent pour armes à vn Efcartellé, au premier et dernier echiquetté d'or et de gueulle, au fecond et troifiefme d'azur à la fleur de lys d'or, acoftee de deux macles de mefme en pointe1.


Induction d'actes et tiltres dudict meffire Sebaftien de Querhoent, comte de Penchoet, cheff de nom et d'armes de Querhoent-Quergournadech, cheuallier, fieur de Coetanfao, Morizur, Querautret, Querandraon, Kerafcouet, Querafquer et aultres lieux, faifant tant pour luy que pour lefdifts François-Touffainfts, Rolland et aultres enfants malles non encorres nommes, fes enfans, que pour lefdifts Touffainfts, René, Iofeph de Querhoent, deffandeurs. Ladifte induction fournye audift Procureur General du Roy, ledift iour 22e Feburier, mois et an prefant 1669, tandante à ce que ledift fieur de Coetanfao et aultres deffandeurs foient maintenuz en la quallitté de meffire et de cheuallier, iffus d'antienne extraftion de cheuallerye et infcripts au catalogue des gentilzhommes et meffires, dans les euefches de Vannes et de Léon, foubz le reffort des iurifdictions de Ploermel et de Lefneuen, aux fins de ladifte déclaration.
 

Pour le maintien d'icelles conclufions, lefdifts deffandeurs articullent pour faicts de généalogie que lefdifts François-Touffainfts, Rolland, Annonime font anfans dudict meffire Sebaftien de Querhoent, cheuallier, comte de Penhouet, cheff de nom et d'armes de Querhoent et de Quergournadech, et de dame Marye-Renee du Quergouet, fille, de meffire François, cheff de nom et d'armes du Quergoet, prefidant au prefidial de Quimper, et de dame Margueritte de Loheac, fa compaigne, feigneur et dame du Guilly ; que ledift meffire Sebaftien de Querhoent a pour frères puifnes lefdiftz meffire Touffainfts de Querhoent, fieur de Morizeur, Crechqueraut, René Querhoent, fieur de Querandraon, treforier et chanoine de Léon, et Iofeph de Querhoent, fieur de Mefcouin, officier fur les veffeaux de Sa Maiefté, les touts enfants de meffire François de Querhoent et de dame Anne de Querouzeré, fa compaigne ; que ledift François eftoift filz de meffire Charles de Querhoent et de dame Anne de Querouzeré, fa compaigne ; que ledift François eftoift filz de meffire Charles de Querhoent et de dame Ifabeau de Crecquerault, feigneur et dame de Coetanfao, lequel auoift pour frère aifné meffire François de Querhoent, feigneur de Quergournadech, duquel François et de fon mariage auecq dame Ianne Botigneau iffurent deux filles, qui furent mariées, l'vne au marquis de Mollac et l'aultre au baron de Querlech ; que lefdifts Charles et François, fon frère aifné, eftoient enfans de noble et puiffant Olliuier de Querhoent et de dame Marie de Ploeuc ; que ledift Olliuier eftoift fils de noble et puiffant Allain de Querhoent et de dame Ianne de Quergournadeach, fa compaigne, tous lefquels de Querhoent lefdiftz deffandeurs fouftiennent qu'ils eftoient nobles et cheualliers, iffus de cheualleries, et qu'ainfi f'eftoient régis et gouuernes, tant en leurs partages que dans leurs alliances, ainfy qu'ilz conftent par les actes cy après.


Vn exploict iudiciel rendu en la iurifdiftion de Pontiuy, le 26e Aouft 1642, touchant la pouruoyance defdifts meffires Sebaftien, Touffainfts, René et aultre Sebaftien, que Claude, Iofeph et Renée de Querhoent, dame de Lanidy, enfans mineurs de deffunft meffire François de Querhoent, cheuallier, feigneur de Coetanfao, et de dame Anne de Querouzeré, fa veufue, par lequel ladifte dame leur mère auroift efté inftituee leur tutrice, et ce de l'aduis et confentement des feigneurs marquis de Mollac, marquis du Timeur, comte du Boifeon, de Quergrouadez, baron de Rofambao et pluffieurs aultres. Ledift acte figné et garanti.


Vne acte de procuration de hault et puiffant feigneur meffire Sebaftien, marquis de Rofmadec, compte de la Chapelle et de Crozon, baron de Mollac, de Tiuoirlen, de Pontcroix, de Pennehouet, de Serant, du Iuch, vicomte du Bezo, Beaumanoir, cheuallier, gouuerneur pour le Roy en la ville et fenechauffee de Quimpercorentin, mary et procureur de droift de baulte et puiffante dame Renée de Querhoent, marquife defdiftz lieux, dame de Quergournadeac'h, Bodigneau, Pleguen (Pleuven), Benaudé (Bénodet) et aultres lieux, fon efpoufe, portant fa recongnoiffance que ladifte dame fa compaigne eftoift coufine germaine dudift deffunft meffire François de Querhoent, viuant cheuallier, feigneur de Couatenfau et aultres lieux. Ledid acte datte du 26e Aouft 1644,
deuement ligné et garanti.



Acte de partage noble et aduantageux baillé par ledid hault et puiflant meflire Sebaftien, chef du nom et armes de Querhoent-Quergournadeac'h, cheuallier, feigneur de Coetanfao, comte de Penhouet, feigneur de Crenuhel, Querautret, Morizur, Plouorn, Mefquin, Querafcouet, Crechquerault, Querrafquer, Querandraon, Gournaouec, Quermors et aultres lieux, fils aifné, herittier principal et noble de deffund meflire François de Querhoent, foubz bénéfice d'inuentaire, de deffunde dame Anne de Querouzeré, en leur temps feigneur et dame defdicts lieux, d'vne part, et haults et puiflants feigneurs meflire Touflainds de Querhoent, feigneur de Morifur, Mefcouez, la Ville-Neufue, faifant tant en priué nom que pour et au nom de meflire René de Querhoent, feigneur de Querandron, fon frère iuueigneur, Iofeph de Querhoent, cheuallier, feigneur de Crechqueraut, et noble et puiflante Renée de Querhoent, compaigne de hault et puiflant meflire Rolland de Callouet, fon mary, feigneur et dame de Lanidi, Trohom, Querahel, Fauet et aultres lieux, aux fucceflions tant mobillieres que immobilières defdicts deffunds feigneur et dame leur père et mère communs, et ce après auoir diftraictz au profilt dudid feigneur de Coatenfao, filz aifné, les fucceflions collateralles luy efchues par les deceds de dame Marie de Crechquerault, dame de Troniolly, et de dame Anne de Reffuge, dame de Quernazret, en ce qui eftoid du tige et tronc entien et commun, et auoir aufly diftraict au profilt dudid feigneur de Coetanfao les deux portions herittelles efcheues en la fucceflion paternelle par le deceds de deffuncts Sebaftien, Guy et Claude de Querhoent, fes frères, et que touttes lefdides parties font demeurées à vn du droict de partager lefdittes fucceflions noblement et aduantageufement, en noble comme en noble, en partable comme en partable. Ledid acte datte du 27e Septembre 1664, deubmant ligné et garanti.



Contract de mariage dudid noble et puiflant meflire Sebaftien, cheff de nom et d'armes de Querhoent, cheuallier, feigneur de Coetanfao, Crennhuel, Querautret, Crechqueraut, Mefcouhez, etc., filz aifné, herittier principal et noble de feu noble et puiflant meflire François de Querhoent, viuant cheuallier, feigneur de Coetanfau et aultres lieux, et de noble et puiflante dame Anne de Querouzeré, dame douairière defdids lieux, propriétaire de Querandraon, Morifur, Chef-du-Bois, auecq damoifelle Marie-Renee de Quergouet, fille aifnee, prefumptiue herittiere principalle et noble de meflire François, cheff du nom et d'armes de Quergouet, confeiller du Roy en fes Confeilz, prefidant au fiege prefidial de Quimpercorentin, et de dame Margueritte de Loheac, fa femme, feigneur et dame du Guilly, Lefaon, Trohamboulle, Coetgallou, Crechcongar, Querfres, Querezrec, etc. Ledid ade en datte du 20e Mars 1654, deuement ligné et garanti.


Lettres patentes du Roy, données à Paris, au mois d'Aouft 1645, fignees furie reply, par le Roy : Denys, et à cofté, vifa, et fcellee du grand fceau de cire verte fur las de foie verte et rouge, obtenue par Sebaftien de Querhoent, cheuallier, fieur de Coatanfau et de Crenuel, par lefquelles, pour les caufes y contenues, ledid feigneur Roy auroid créé, érigé et eftably au bourg de Seglien, trois foires par chacun an, vn marché au mercredi de chafque fepmaine, et à la chappelle de Saind-Laurans du Baud, vne foire par an, pour y eftre dorefnauant tenue, entretenue et conftituees, fçauoir audid lieu
de Seglien la première defdictes foires, le 15
e May, la feconde, le 25e Aouft, et la troiziefme, le 27e Nouembre, et vn marché vne fois la fepmaine, et celle de Sainct-Lorans du Baud, le mercredy de Pafques, tous marchands pouront aller, venir et feiourner, vandre, trafficquer et changer touttes fortes de marchandifes licittes et permifes, et qu'ilz iouiffent et vfent de tous droictz, priuilleges, franchifles, libertés que l'on a accouftumé en aultre foire et marches de cette prouince de Bretagne, pourueu touttefois qu'à quatre lieux à la ronde defdictz lieux il n'y aict aultres foires et marches aux iours fufdicts, fans que pour raifon dudict eftabliflement on puifle prandre quelques franchife et exemption, ny faire preiudice au Roy, et que fi elles arriuoint au dimanche ou iours de fefte, elles feront au lendemain, comme plus au long eft contenu aufdittes lettres.



Arreft de veriffication defdides lettres, aufquelles la quallitté de cheuallier a auffi efté emploiee audict Sebaftien de Querhoent, fieur de Coetanfau et de Crenuel, en datte du 4e Iuillet 1652, deubment figné et garanti.



Acte de partage noble et aduantageux faid entre ledid hault et puiflant meflfre Sebaftien, cheff de nom et d'armes de Querhoent-Kergournadeac'h, feigneur de Coetanfao, Penchouat, Morifur, Crenuel, Querandraon, Mefcouin, Querafcouet, etc., herittier principal et noble, foubz bénéfice d'inuentaire, de feue haulte et puiffante dame Anne de Querouzeré, viuante dame defdicts lieux, fa mère, fille aifnee, principalle et noble de deffund meflire Vincent de Querouzeré et de dame Claude de Perceuaux, fa compagne, viuants feigneur et dame de Querandraon, Queranfquer, Cheff-du-Bois et aultres lieux, et de dame Claude de Lefmes, dame defdictz lieux, et encorre laditte de Querouzeré herittiere collateralle et noble de deffund meflire Ian de Querouzeré, feigneur de Queranfquer, et encorre ledid feigneur de Coatanfao herittier collatéral de deffunte dame Anne du Reffuge, foeur vterine dudid feigneur de Querandraon, d'vne part, et hault et puiflant meflire Ian-Baptifte, cheff du nom et d'armes du Treuou, et dame Catherinne de la Foreft, fa compaigne, feigneur et dame de Querfaoufon, Bolloré, Brefeillac et aultres lieux, ladide dame fille vnicque de deffunde dame Renee-Gillette de Querouzeré, de fon mariage auecq deffund meffire Pierre de la Foreft, viuant feigneur de Guifcaznou, Lille et aultres lieux, des fucceffions directes defdictz deffunctz Vincent de Querouzeré et de dame Claude de Perceuault, père et mère defdidz deffuncts Anne de Querouzeré, aifnee, et Renee-Gillette de Querouzeré, leur fille iuueigneure et tierciere, de laditte fucceflion encore directe de laditte de Lefmais, bifayeulle des partyes, mefmes defdides fucceflions collateralles, en ce qu'il y auoid de partable, et ce après auoir recogneu que lefdictes fucceffions
eftoint nobles et de gouuernement noble, aduantageux, et qu'ainfy elles ont efté par leurs predeceffeurs partages de tout temps. Ledid ade en datte du 50 Iuillet 1664,
deuemant ligné et garanti.


Acte de conuention d'arbittres et compte rendu en confequence par meffire François de Querhoent, cheuallier de l'Ordre du Roy, feigneur de Quergournadech, Troheon et aultres lieux, à aultre meflire François de Quercoent, feigneur de Coetanfao, de la geftion faicte par ledid feigneur de Quergournadech, des biens dudict feigneur de Coatenfao, fon nepueu, fils de meflire Charles de Quercoent, feigneur dudid lieu, frère dudid feigneur de Quergournadech. Ledid acte en datte du 3e Septembre 1620, deuement figné et garanti.


Acte de partage noble et aduantageux baillé par hault et puiflant meffire François de Quercoent, cheuallier de l'Ordre du Roy, feigneur de Coetanfaou, Querautret, Mefcouin et aultres lieux, fils aifné, herittier principal et noble de hault et puiflant meffire Charles de Quercoent et de dame Ifabeau de Crechquerault, viuant feigneur et dame defdidz lieux, à nobles et puiflants meflire Herué de Quercoent, feigneur de Querautret, Locqueuel, etc., et meffire Claude de Quercoent, fieur de Lomaria, fes frères puifnes, aux biens de la fucceflion defdidz Charles de Quercoent et Ifabeau de Crechquerot,
leur père et mère communs, et ce après la recongnoiffance defdictz feigneur de Querautret et de Lomaria que lefdictes fucceffions eftoient nobles et de noble gouuernement, fuiuant l'afifle du compte Geffroy, et à condidion aufdictz puifnez de tenir lefdictes maifons et herittages leur baillez en partage, à l'aduenir, en fieff et ramage, comme iuueigneurs d'aifnes ; ledid ade en datte du Ier Septembre 1640, deuement ligné et garanti.



Acte de partage noble et aduantageux baillé par meflire François de Querhoent, cheuallier, feigneur de Coatanfao, herittier principal et noble de noble et puiflant meffire Charles Querhoent et de dame Ifabelle de Crechquerault, fa compaigne efpoufe, feigneur et dame de Coatanfao, Crechquerault, Queraultret, etc. ; laditte Ifabelle de Crechquerault fille et herittiere principalle et noble de nobles homs François de Crechquerault et de damoifelle Marie de Penchoat, feigneur et dame dudid lieu de Crechquerault, Mefquouin et Queraultret, à damoifelles Claude et Marie de Crechquerault, foeurs iuueigneures de ladide Ifabelle de Crechquerault, aux biens des fucceflions defdidz feigneur et dame de Crechquerault, en datte du 3e Aouft 1629, deuement figné et garanti.



Ade de tranfaction touchant l'effect dudict partaige, entre ledict noble et puiffant meflfre François de Quercoent, cheuallier de l'Ordre du Roy, feigneur de Coatenfo, herittier principal et noble de deffunct meflire Charles de Quercoent et de damoifelle Ifabeau de Crechquerault, fa compaigne, fieur et dame dudict lieu de Coatanfao, .Crechquerault et aultres, d'vne part, et nobles homs Pierre le Bihan, fieur du Pradigou, filz aifné, herittier principal et noble de laditte deffunde Claude de Crechquerault, fa mère, et aultres fes frères et foeurs, et laditte damoifelle Marie de Crechquerault,
compaigne de nobles homs François, feigneur de Troniolli, en datte du 26
e Ianuier 1638, deuement figné et garanti.


Décret de mariage d'entre hault et puiflant meflire Sebaftien, marquis de Rofmadec, baron de Mollac, des Chappelles et de Roftrenen, vicomte de Bignan, etc., auecq damoifelle Rennee de Quercoent, fille aifnee, herittiere principalle, prefumtiue et noble de noble et puiflant meflire François de Quercoent, cheuallier de l'Ordre du Roy, fires de Quergournadech, et de dame Ianne Bodigneau, fa compaigne efpoufe, en datte du 30e Apuril 1616, deuement figné et garanti.

 

Acte de partage prouifionnal donné par noble et puiffant François de Quercoent, filz aifné de noble et puiflant Olliuier Quercoent, feigneur de Quergournadech, Troheon et aultres lieux, et principal herittier et noble de noble et puiffante dame Marie de Ploeuc, fes père et mère, audict Olliuier Quercoent, fon père, au nom et comme garde naturel de nobles et puiffants Charles de Quercoent et Marie Quercoent, fes enfens, par luy procrées en laditte feue Marye de Ploeuc, fa compagne, en datte du 6e May 1586, deument figné et garanty.



Aultre acte de partage noble et aduantageux baillé par ledid hault et puiffant François de Querhoent, feigneur de Quergournadech, Coetquelfen, audict noble et puiffant Charles de Querhoent, feigneur de Coetanfao, Crechquerault, Mefgouin, Querautret, et aultres lieux, fon frère puifné, aux fucceffions defdictz deffuncts hault et puiflant Olliuier de Querhoent et de dame Marye de Ploeuc, viuants fieur et dame defdicts lieulx, et ce après la recongnoiffance defdictes partyes que lefdictes fucceffionseftoient nobles et de noble gouuernement et d'anticque cheuallerie, pour eftre partages
fuiuant l'afifle du comte Geffroy. Ledid acte en datte du 3
e Aouft 1598, deuement figné et garanti.



Aultre acte de tranfaction paffee sur le faid dudict partage, entre noble et puiffant meffire François de Quercoent, feigneur de Quergournadech, Coetquelfin et aultres lieux, cheuallier de l'Ordre du Roy, lieutenant de cinquante hommes d'armes de fes ordonnances, filz aifné, herittier principal et noble defdictz feuz hault et puiffant meflire Olliuier de Querhoent et de dame Marie Plouec (Ploeuc), feigneur et dame defdictz lieux, d'vne part, et ledict noble et puiffant Charles de Quercoent, feigneur de Coatenfaou, fon frère puifné, en datte du 30e May 1603, deuement figné et garanti.

Decrect de mariage paffe en la iurifdidion de Carhaix, d'entre nobles homs Olliuier de Querhoent, fieur de Quergournadech, filz aifné et prefumptiff herittier de noble et puiflant Allain de Quercoent de Troheon, de luy procréé en damoifelle Ianne de Quergournadech, fa compaigne, et damoifelle Marie de Ploeuc, dame de Querguegant, fille principalle herittiere et noble de feuz nobles gens Pierre de Ploeuc et de damoifelle Ianne de Quellennec, fa compaigne en leur temps fieur et dame de Queruegant, authorifé de noble et puiffant Allain de Rofmadec, fieur de Tiouarlen, de Rofmadec, Glomel et aultres lieux, fon curatteur, en datte du 7e Odobre 1559, deubment figné
et garanti.

 

Acte de tranfaction paffee entre noble et puiflant Olliuier de Quercoent, feigneur de Quergournadech, authorizé de noble et puiffant Allain de Querhoent, feigneur de Troheon, fon père, d'vne part, et noble homme maiftre François Corre, fieur de Glefmarhec, procureur ftipullant et gérant et faifant pour hault et puiflant Tanguy de Rofmadec, feigneur du Tiuarlen et de Mollac et de Rofmadec, fils aifné, herittier principal et noble de hault et puiflant Allain de Rofmadec, feigneur defdids lieux, touchant le comte randu par ledid deffunt Allain de Rofmadec, comme curatteur de noble et puiflante damoifelle Marye de Ploeuc, dame herittiere du Garlot, compagne dudid Olliuier Quercoent. Ledict adct en datte du 17e Décembre 1560, deubmant figné et garanti.



Adueu de la terre et feigneurie de Coetanfao, rendu au feigneur de Rohan, à caufe de fon duché de Rohan, par dame Margueritte de Querriech, authorizee de nobles homs Rolland de Carnauallet, fon fecond mary, par lequel il confie que la terre de Coatenfao eft decorree de bois de haulte fuftays, garennes, coullombier, eftang, moullins, preminances d'eglife, lifiere dehors et au dedans de l'eglife parochialle de Seguillien (Séglien), tumbes, efcabeaux, iuftices haulte, baffe et moyenne, patibullaires à trois pofts et aultres infignes feigneuriaux. Ledict acte d'adueu datte du Ier Mars 1549, deubment figné et garanti.


Aultre adueu rendu de laditte terre et feigneurie de Coatanfao, audid feigneur duc de Rohan, par ledidctnoble et puiflant François de Querhoent, cheuallier de l'Ordre du Roy, fires de Quergournadech, Coatquelfin, Leftanc, Coatanfao, ladide terre de Coatanfao luy efchue de la fucceflion de ladide Marie Ploeuc, fa mère, compagne dudict hault et puiflant Olliuier de Querhoent, fon père, en datte du Ier May 1600, deubment figné et garanti.



Procès verbal et enquefte faicte par le fenechal de Lefneuen, en executtion de lettres pattentes et d'arreft du Parlement, à la requefte de noble et puiflant Olliuier de Quercoent, fire de Quergournadech, Troheon, Coetquelfin, Querguillit, Lanniuynon, Botquenezle, etc., par lequel fe voict que pluflieurs antiens preftres, gentilzhommes et habitans de la paroifle de Cleder et aultres depoferent entr'aultres chofles que les enceftres dudid Olliuier de Querhoent eftoient iffus d'ancienne cheuallerie et portaient leurs ecuffons en carré et en bannières, comme les antiens bannerets de la prouince, et que mefme les officiers de leurs iurifdictions eftoient touz gentilzhommes. Ledict procès verbal et enquefte du 27e Septembre 1584, deubment figné et garanti.

Sentence rendue en ladide iurifdiction de Lefneuen, fur la requefte y prefantee par meffire François de Quercoent, cheuallier de l'Ordre du Roy, feigneur de Quergournadech, de remettre la liziere de fes armoiries aux lieux et endroictz qu'il les auoid auant que celles du Roy y euffent efté pofees, et ce fans preiudice des droictz du Roy aux occurances qui fe prefanteront. Laditte fentence du 15
e Octobre 1622, deubment fignee et garantie et fcellee.


Acte d'affiepte de la dot faict par noble et puiffant Allain de Quercoent, feigneur de Troheon, Botquenezle, Quergoemac et aultres lieux, à damoifelle Ianne de Quercoent, fa fille, pour eftre religieufe en l'abbaye de la Ioye, près Hennebond, par lequel il confie que ledid Allain fe referuoict, à luy ou à fon hoir principal, la faculté de pouuoir changer les herittages qu'il luy bailloit en dot, en faifant affiepte fur d'aultres terres. Ledid acte en datte du 25e Ianuier 1552, deubment figné et garanti.


Contract de mariage de nobles homs René Penanchoet, fieur de Querouazle, auecq damoifelle Françoife de Querhoent, fille puifnee de noble et puiflant Allain Querhoent et de Ianne de Quergournadech, fa compaigne, feigneur et dame de Trouheon, Quergornadeach et Couetquelfin, en datte du 23e May 1559, deuement figné et garanti.

Deux actes de partages nobles et aduantageux bailles par hault et puiflant Olliuier de Querhoent, fire de Quergournadech, Troheon, Coetquelfin, filz aifné, herittier principal et noble de feuz nobles et puiflant Allain de Quercoent et de dame Iehanne de Quergournadech, viuantz feigneur et dame defdictz lieux, à damoifelle Margueritte de Querhoent, compaigne efpoufe de nobles homs Iehan Querbic, fieur de Querbic et de Querdelant, et damoifelle Louife de Quercoent, compaigne de noble homme Tanguy de Chafteaufur, aux fucceflions defdictz feuz Allain de Quercoent et de Ianne Quergournadech, leurs père et mère communs, et ce après la recongnoiffance defd. partyes que lefdides fucceffions eftoient et de tout temps immémorial partagées noblement et aduantageufement entre les predeceffeurs des partyes, qui eftoient iffus d'anticque cheuallerie. Lefdidz deux actes de partages en datte des 26
e Feburier et 19e May 1577, deuement lignez et garantis.


Adueuz renduz par noble et puiflant Allain de Quercoent et Ianne de Quergournadech, fa femme, feigneur et dame de Troheon, Quergournadech, au feigneur et dame prince et princeffe de la Roche-fur-Ion, des herittages que laditte dame de Quergournadech poffedoid foubz leurs fieffz, comme herittiere de feu noble et puiflant Olliuier de Kergournadech, fon frère aifné, deceddé fans hoirs de corps, de fon viuant feigneur dudid lieu de Quergournadech, en datte du 4e May 1552, deubment figné et garanti.


Adueu et minu rendu à la Chambre des Comptes de cette prouince par damoifelle Ianne de Quergournadech, femme et compaigne de noble homs Allain de Quercoent, feigneur de Troheon, fon mary, des herittages luy aduenuz par le deceds dudit noble homs Olliuier de Quergournadech, en fon temps feigneur dudid lieu de Quergournadech, fon frère aifné, en datte du 18e Apuril 1553, deuement figné et garanti.

Acte de partage noble et aduantageux baillé par ledid noble et puiflant Allain de Querhoent et damoifelle Ianne de Quergournadech, fa compaigne efpoufe, feigneur et dame de Troheon, Quergournadech et de Coetquelfin, à damoifelle Françoife de Kergournadech, dame douairière de Pencoedic et du Carbond, foeur iuueigneure de ladide Ianne de Quergournadech, es fucceflions de leur père et mère communs, dans lequel partage il eft recongneu que ladide Ianne de Quergournadech auoid fuccedé noblement et collaterallement audid feu noble et puiflant Olliuier de Quergournadech, fon frère aifné. Ledid ade en datte du 20e Ianuier 1554, deubment figné et garanti.


Vn extraict des regiftres de la Chambre des Comptes, leué à requefte dudid fieur de Coetanfao, le 13e de ce mois, an prefant 1669, figné par les gens des Comptes : le Tourneux et Yues Morice, par lequel il confte que en la refformation de 1443 Pierre de Querhoent eft employé au rang des nobles de la paroiffe de Sibiril, en l'euefché de Léon ; que dans la refformation de 1536, faicte des maifons, terres et herittages nobles dudict euefché de Léon, foubz le rapport de la paroifle de Guycolueft (Sans doute Guicourveft, aujourd'hui Plougourvest ; on remarquera toutefois que la maison de Kergournadech n'est pas située dans cette paroisse, mais dans celle de Clèder.), eft defnommé la maifon de Quergournadech, appartenant à Allain Querhouant, noble perfonne et maifon ; que dans la monftre des nobles, annobliz et aultres fubiedz aux armes de l'euefché de Léon, tenue par commiffion du Duc en l'an 1481, eft faict mention du fieur de Quercoent, mallade, pour lequel comparut Herué Richart, Guyon Chriftophes et Pierre Maczé, archers en brigandines, salades, arcq et trouffe, fuffizament montez, lefquelz furent reffuzes et non reeeuz par lefdidz commiffaires pour ce que ledict fieur n'auoid fourni lance, fellon le montement de fon fié, et qu'en aultre roolle de monftre dudict euefché de Léon, foubz le rapport de ladide parroiffe de Sibiril eft faict mention de Pierre de Quercoent.



Vn liure intitullé : Généalogie de la maison de Rofmadec, au feillet 29e duquel eft parlé du mariage de Renée de Quercoent, de laquelle et de fes alliances eft faict mention audict liure, fçauoir que Renée de Querhoent fuct mariée à Sebaftien de Rofmadec, marquis de Mollac, que ladicte Renée eftoict fille de François de Querhoent, feigneur de Quergournadec, capitaine de gens d'armes et vicompte de Ployder, et de dame Louife de Bodineau (Botignau), que François eftoict filz d'Olliuier de Querhoent et pourfuiuent le furplus de la généalogie ainfin qu'elle eft cy deffur articullee.



Vn extraict de la tranfaction paffee entre hault et puiffant feigneur meffire Sebaftien de Rofmadec, marquis dudict lieu, compte des Chappelles, baron de Mollac, Tiuarlen ;
Pontecroix, le Iuch, Serant, Bobles et aultres, filz aifné, herittier foubz bénéfice d'inuentaire, principal et noble, de deffunct hault et puiffant feigneur aultre meffire Sebaftien de Rofmadec, marquis dudict lieu, et pur et fimple de dame Renée de Querhoent, fes père et mère, et hault et puiffant feigneur meffire René le Senechal ; comte de Carcado, et dame Marie-Anne de Rofmadec, fon efpouze, par lequel ledict feigneur marquis de Mollac donna audict feigneur comte de Carcado, fon beau-frère pour partaige deub à fadicte foeur aux fucceffions de leurs dicts père et mère communs ; partye de la terre de Troheon. Ledict acte datte du 2
e Ianuier 1603, figné par collationné à l'original : René le Senechal de Carcado, Buflault, nottaire royal, et Mahé, nottaire royal.


Contract de mariage de noble homs Pierre de Quercoent, filz d'aultre Pierre, auecq damoifelle Louife Huon, dans lequel eft dict que lefdictz mariez feront la foy au feigneur des terres, qu'ils l'auroient donné, à la couftume des nobles, de bouche et de mains feullement. Ledict acte datte du 2e Aouft 1462, deubment figné et garanti.


Acte de partage donné par Ian, feigneur de Querhoent, à Pierre de Querhoent, fon puifné, en la fucceffion de Pierre de Querhoent et de dame Haruife de Querouzeré, du confentement de meffire Henry de Neuet et de dame Ifabeau de Querhoent, fa compaigne, fille aifnee et feulle herittiere prefumtiue et noble dudid Ian, feigneur de Querhoent. Ledid acte datte du 17e Feburier 1452, deubment figné et garanti.


Vne enquefte faicte à requefte de nobles homs Iacques de Querhoent, feigneur de Sequiriou (Squiriou), par lequel ce voict que pluffieurs preftres et gentilzhommes, entr'aultres les feigneurs de Tournemine et de Coatnempren et aultres aages de plus de foixante et huict ou foixante et dix ans, depofent que lefdids feigneurs de Querhoent eftoient iffus de la maifon de Querhoent, fcittuée au Menehi de Sainct-Paul, et que laditte maifon de Querhoent eft l'vne des plus nobles, des plus riches et antiennes maifons du Menehi, qu'il eft nottoire de tous temps immémorial les feigneurs d'icelle maifon et leurs iuueigneurs auoient accouftumé de diuifer leurs fucceffions noblement et aduantageufement, comme iffus d'antienne cheuallerie du pays, et mefme de partager leurs cadets malles à viage. Ladicte enquefte en datte du 6e Nouembre 1555, deuement fignée et garantie.


Et tout ce que vers ladicte Chambre a efté par lefdicts deffandeurs mins et induict, aux fins de leur dide induction, conclufions dudid Procureur General du Roy, confideré.

LA CHAMBRE, faifant droict fur l'inftance, a déclaré lefdicts Sebaftien, François-Touffainct, Rolland, Anonime, Touffaincts, René et Iofeph de Querhoent et leurs decendans en mariage légitime nobles et iffus d'antienne extradion noble, et comme tels a permis, fçauoir aufdictz Sebaftien et François-Touflaincts de prendre les quallittes d'efcuier et de cheuallier, et aufdictz Rolland, Anonime, Touflaincts, René et Iofeph de prendre celle d'efcuier, et les a maintenuz aux droictz d'auoir armes et efcuffons timbrez appartenants à leurs quallittez, et à iouir de tous droictz, franchifes, exemptions, immunittez, preminances et priuilleges attribuez aux nobles de cette prouince, ordonne que leurs nomps feront employez au roolle et catalogue d'iceux nobles, fçauoir defdicts Sebaftien, François-Touffaincts, Rolland et Anonime en celluy de la iurifdiction royallede Ploermel, et defdicts Touffaints, René et Iofeph en celluy de la iurifdidion royalle de Lefneuen.



Faict en ladide Chambre, audict Rennes, le 26e Feburier 1669.

Collationné

Signé:
MONNERAYE.

 

1 Ces armes sont celles de la maison de Kergournadech, écartelêes de celles de la famille de Kerriec-Coetanfao. Les Querhoent portaient anciennement : Losangé d'argent et de sable.

Ajouter un commentaire
 

Créer un site gratuit avec e-monsite - Signaler un contenu illicite sur ce site